BBC.བྷི་བྷི་སི་གསར་འགྱུར་ནང་གི་བོད་ཡིག་(བཀྲ་ཤིས་བདེ་ལེགས།)

BBC.བྷི་བྷི་སི་གསར་འགྱུར་ནང་གི(བཀྲ་ཤིས་བདེ་ལེགས།) འཛམ་གླིང་ནང་སྙན་གྲགས་ཤིན་ཏུ་ཆེ་བའི་བྷི་བྷི་སི་གསར་ཁང་གིས་འདི་ལོའི་༢༠༡༤ ཟླ་༢པའི་ཚེས་༢༡ ཉིན་འཛམ་གླིང་ཕ་སྐད་ཉིན་མོ་སྲུང་བརྩི་དང་འབྲེལ་དེའི་སྐོར་ལ་བགྲོ་གླེང་གནང་སྐབས་བརྙན་འཕྲིན་ནང་དམིགས་བསལ་བོད་ཡིག་ཐོག་བཀྲ་ཤིས་བདེ་ལེགས་བཀོད་པ་འཛམ་གླིང་ཡོངས་ལ་ཁྱབ་པའི་གནས་ཚུལ་ཞིག

འཛམ་གླིང་ཕ་སྐད་ཉིན་མོ།

• ཕྱི་ཟླ་ ༢ ཚེས་ ༢༡ སྟེ། དེ་རིང་ནི་རྒྱལ་སྤྱིའི་ཕ་སྐད་ཀྱི་ཉིན་མོ་ཡིན། དུས་ཚོད་དེ་ནི་ཕྱི་ལོ་ ༡༩༩༩ ལོར་མཉམ་འབྲེལ་རྒྱལ་ཚོགས་ཀྱིས་གསར་དུ་གཏན་འབེབས་བྱས་ཤིང་། དགོས་པ་ནི། འཛམ་གླིང་གི་མི་རིགས་འདྲ་མིན་གྱི་མིག་སྔའི་ཕ་སྐད་རིག་གནས་ཀྱི་གནས་བབ་དག་མི་རིགས་ཕན་ཚུན་བར་ཤེས་སུ་འཇུག་པ་དང་། དེ་བཞིན་མི་རིགས་རང་རང་གི་སྐད་ཡིག་ཉམས་པ་སླར་གསོ་དང་། མི་ཉམས་རྒྱུན་འཛིན་སྒོས་གོང་འཕེལ་གཏོང་བའི་ཆེད་དུ་ཡིན། ཕྱི་ལོ་ ༢༠༠༩ ལོར་བསྡོམས་རྩིས་བྱས་པ་ལྟར་ན་མིའི་རིགས་ལ་སྐད་རིགས་ ༧༠༠༠ ལྷག་ཡོད་པ་ལས་ ༢༥༠༠ ཙམ་ཤུལ་མེད་དུ་འགྲོ་ལ་ཉེ་བར་བཤད་ཡོད།

འཇིག་རྟེན་གྱི་སྣང་བ། ཚེ་དབང་ལྷ་མོ།

ཞི་ཅིན་ཕེན་གྱི་བུ་མོ་ཕྱིར་རྒྱ་ནག་ཏུ་་མི་ལོག་པའི་རྒྱུ་མཚན་ཅི།

 ཞི་ཅིན་ཕེན་གྱི་བུ་མོ་ཧ་ཧྥུ་སློབ་གླིང་དུ་ཡོད། སྲིད་འཛིན་ཁོང་གིས་མོས་རང་རྒྱལ་དུ་སློབ་སྦྱོང་བྱས་ན་བསམ། དེ་ལྟ་ནའང་མོ་རང་རྒྱལ་དུ་མི་ལོག་པའི་སེམས་ཐག་བཅད། རྒྱུ་མཚན་ཅི།  <?> མོས་བཤད་རྒྱུར། ཧ་ཧྥུའུ་སློབ་ཆེན་དུ་རིན་ཐང་བླ་མེད་ཀྱི་གྱོན་ཆས་དང་། རྩ་ཆེ་བའི་LVཨེལ་ཝེ་ཁུག་མ་དང་སྒེག་ཆོས་སོགས་མཐོང་རྒྱུ་མེད་ལ། མིང་གྲགས་ཅན་གྱི་ལྭ་བ་གྱོན་མཁན་གྱི་སློབ་དཔོན་ཆེན་མོ་དང་སློབ་མ་ཡང་མཐོང་རྒྱུ་མེད། དངོམ་ཆེ་བའི་རླངས་འཁོར་དག་གིས་མཛེས་མ་བསུ་མཁན་ཡང་མཐོང་རྒྱུ་མེད་དོ།། མཐོང་ཡོང་བ་གཅིག་ནི་བྲེལ་བྲེལ་འཚབ་འཚུབ་ཀྱི་གོམ་སྟབས་དང་། བློ་རྩེ་འགྱུར་མེད་ཀྱིས་འབྲི་བཞིན་པའི་ཆེས་ཐོག་མའི་མི་ཚེ་དེའོ།།
ཧ་ཧྥུའུ་སློབ་ཆེན་ནི་ལྷ་སྒྲུང་ཞིག་མིན་པར་སློབ་གླིང་འདི་ནི་ བདེན་དཔང་ཞིག་སྟེ། འདུ་ཤེས་ཀྱི་བདེན་དཔང་། སྙིང་སྟོབས་ཀྱི་བདེན་དཔང་། འདོད་འདུན་གྱི་བདེན་དཔང་། ཕུགས་བསམ་གྱི་བདེན་དཔང་བཅས་སོ།།

གླུ་གར་གྱི་དག་ཞིང་།

མཐོ་སྒང་བའི་ལོ་གསར།

བོད་ཀྱི་ལོ་སར་ནི། བོད་དང་ཧི་མ་ལ་སོགས་ཕ་མེས་ཡང་མེས་ཀྱི་ཆོས་དང་རིག་གཞུང་། ཡུལ་ལུང་གོམས་གཤིས་གཅིག་གིས་སྦྲེལ་བའི་མཐོ་སྒང་བ་ཡོངས་ཀྱི་ཐུན་མོང་གི་དུས་ཚིག་ཁྱད་པར་བ་ཞིག་དང་། འདི་ལ་ལོ་རྒྱུས་ཀྱི་ཕུག་རྒྱང་རིང་བའང་བཤད་རྒྱུ་ཡོད་ངེས་ཡིན། མི་ལོ་སྟོང་ཕྲག་མང་པོ་ནས་བརྒྱུད་ཡོང་བའི་ལོ་སར་འདི་རང་རེ་ཐུན་མོང་གིས་བདག་པོ་བྱེད་པ་དང་། རྡོག་རྩ་གཅིག་དྲིལ་གྱི་སྒོ་ནས་དུས་སྟོན་ལ་མཉམ་རོལ་བྱས་ན་མ་འགྲིག་པ་གང་ཡང་མེད་ངེས་སུ་འདོད་དོ།།

 

དེ་ལ་ཐོག་མར་ལོ་སར་བྱེད་སྲོལ་འདི་འཛམ་གླིང་གང་ནས་བྱུང་། ཐོག་མ་སུས་བྱས་པ་ཡིན་སོགས་དཔྱད་ན། འུ་ཅག་མཐོ་སྒང་བ་རྣམ་ལ་མེད་པ་ཞིག་དང་། མི་རིགས་གཞལ་ལ་ཆེས་ཐོག་མ་ནས་ཡོད་པ་ཞིག་གཏན་ནས་མིན། སྐྱེས་བུ་ཁག་ཅིག་གིས་ང་ཚོའི་ལོ་སར་ལ་ཁུངས་ལུང་མེད་སྙམ་པ་དང་། ཕྱི་རོལ་གྱི་ལོ་སར་རྩ་ཆེན་འཛིན་པའི་ལྟ་ཚུལ་སོགས་ཡོད་སྲིད་ཀྱང་། འདི་ནས་ཅིས་ཀྱང་ཤེས་དགོས་པ་ཞིག་ལ་ལོ་སར་ནི། འཛམ་གླིང་བ་ཐུན་མོང་གི་དུས་ཚིགས་གསར་པ་བསུ་བའི་ལུགས་སྲོལ་ཞིག་ཡིན་པས། ལོ་སར་བྱེད་སྲོལ་འདི་ཡིན་ཞེས་ལོ་རྒྱུས་ནང་མ་འཁོད་བ་ཙམ་དང་། དུས་དེ་ཙམ་ནས་ལོ་སར་ཟེར་བ་ཞིག་བྱུང་ཞེས་བསྒྲགས་མ་མྱོང་བ་སོགས་ལ་བསམས་ནས། མེས་པོའི་རིག་གཞུང་ལ་མཐོང་ཆུང་བྱེད་པ་ལ་རྒྱུ་མཚན་མེད་ཅེས་བཤད་ཆོག ལོ་རྒྱུས་ལ་འཁོད་དགོས་པ་མང་པོ་མ་བྲིས་ནས་ལུས་སོང་བ་དང་། བཀོད་ཟིན་པ་འཕྲོ་བརླག་ཤོར་བ་དང་་བསམ་བཞིན་དུ་རྩ་མེད་བཏང་བ་སོགས་ལོ་རྒྱུས་ལ་ཡག་ཉེས་དང་དར་རྒུད་མང་བའི་སུས་ཀྱང་འདི་དང་འདི་འོ་ཞེས་ཁ་མཚམས་འབྱེད་དཀའ་བ་ཡིན།

ན་གཞོན་གླུ་མ་ཚེ་དབང་ལྷ་མོའི་འཇིག་རྟེན་ལ་འདི་ལྟར་ངོ་བསྟན་འདུག

 སྒྱུ་རྩལ་ལ་དུང་བ་ཟབ་ཅིང་གནས་ལུགསལ་ལ་ཡིད་རྟོན་ཆེ་བའི་རྒྱ་ཆེའི་མང་ཚོགས་ཀྱི་དགའ་བསུའི་ཐལ་སྒྲའི་ཀློང་ནས། སྙན་གྲགས་ཀྱི་གཟི་འོད་ནམ་ཡང་ཉམས་མ་མྱོང་བའི་ན་གཞོན་གཞས་མ་ཚེ་དབང་ལྷ་མོ་ནི། རིགས་རུས་གདོང་དམར་བོད་ཀྱི་ཤ་ཁྲག་ལས་ཆད་ཅིང་། ལྟེ་ཁྲག་མདོ་ཁམས་བྲག་མགོའི་ཡུལ་གྱི་ཚར་བ་ཞེས་པའི་གྲོང་སྡེ་དེར་འཐོར་ནས་ཆེས་ཐོག་མར་ཞིང་པ་དཀྱིལ་མ་ཞིག་གི་གོ་ཁ་ནས་འཇིག་རྟེན་ལ་ངོ་བསྟན།

དེ་ལྟར་ཡུན་གྱིས་ཁོ་མོ་སྡེ་འདབས་ཀྱི་བྱིས་པ་སྣབ་ལུག་ཚོ་དང་མཉམ་དུ་ར་ལུག་གི་སུག་རྗེས་དང་ཞིང་ཁའི་སྙེ་མ་དང་འགྲོགས་ཏེ། ལོ་དྲུག་ལ་བུད་དུས་སྣ་ལུད་དང་དཔེ་ཁུག་མཉམ་དུ་དྲུད་དེ་རང་ཡུལ་གྱི་སློབ་ཆུང་གི་སྒོ་ཐེམ་འགྲིམས་འགོ་བརྩམས་ཤིང་། དུས་དེ་ནས་བཟུང་ཁོ་མོས་འཛམ་གླིང་ཧྲིལ་བོར་བལྟ་བའི་མིག་སྔུན་གྱི་ཡོལ་རས་ཐོག་མ་ཡང་དེ་ནས་ཕྱེས་ཡོད་ཅེས་བཤད་ནའང་ལོས་ཆོག

གླུ་གར་རིག་གནས་ཀྱི་ཐེམ་རྐས་རིམ་པར་བརྒྱུད་དེ་༢༠༠༧ ལོར་<<ལྷ་སའི་གཉན་ཆེན་ཐང་ལྷའི་>>གླུ་གར་ཁང་དུ། གླུ་གར་སྒྱུ་རྩལ་ལ་བྱང་ཆ་དང་གོམས་འདྲིས་ཡོད་པའི་དགེ་རྒན་འགའ་བསྟེན་ཏེ་ཉེ་རབས་དང་། དེང་རབས་ཀྱི་གླུ་གར་སྒྱུ་རྩལ་དང་ཟློས་གར་རིག་གནས་རྣམས་སྦྱང་བརྩོན་བྱས། ཁོ་མོའི་གཞུང་དྲང་གི་གཤིས་རྒྱུད་འཇམ་པོ་དེ་དང་འགྲན་བྲལ་གྱི་མཛེས་མའི་བྱད་གཟུགས། ད་དུང་སྙན་འཇེབས་ཀྱི་ངག་གི་འགྱུར་ཁུགས་དག་ལ། གླུ་གར་ཁང་དེའི་སྐུ་མགྲོན་ཚོའི་དགའ་བསུ་དང་ཆེ་བསྟོད་མངོན་དང་ཤུགས་ནས་ཐོབ་ཡོད་པ་མ་ཟད། རྒྱལ་ཕྱི་ནང་གི་བོད་རིགས་དང་(ཧི་མ་ལ་ཡ་)སོགས་མང་ཚོགས་ཀྱིས་དགའ་བསུ་བར་མེད་དུ་ཐོབ་པ་དེ་ནི། གཞས་མ་ཁོང་ལ་མཚོན་ན་མི་ཚེའི་གདམ་གསེས་ཀྱི་མདུན་ལམ་ཡངས་པོར་ཕྱེ་བའི་གྲུབ་ཆ་གཙོ་བོ་ཞིག་ཀྱང་གྱུར་ཡོད།