ཀུན་མཁྱེན་མི་ཕམ་རྒྱས་མཚོས་མཛད་པ། རྟེན་འབྲེལ་དང་དགོས་དབང་ཁྱད་པར་ཅན་ལ་བརྟེན་ནས་དགའ་སྟོན་ལྟད་མོ་ལ་རོལ་བའི་བྲོ་གར་གྱི་འཁྲབས་ཚན་ཁག་ཅིག་སྟེ། དང་པོ་བྱིན་འབེབས་ཀྱི་བྲོ་དང་།
གཉིས་པ་མཆོད་ཅིང་བསྟོད་པའི་གླུ་བྲོ། གསུམ་པ་སྣ་ཚོགས་འཕྲིན་ལས་ཀྱི་བྲོ།
བཞི་པ་བཀྲ་ཤིས་དབྱངས་སྙན་གྱི་བྲོ་དང་བཞི་འོ།། དེ་ལྟ་བུའི་གླུ་བྲོ་འདི། བོད་ཁམས་མཐའ་དབུས་མེད་པར་ཁྱབ་བརྡལ་དུ་དར་ཞིང་འཁྲབ་ཐུབ་པར་བྱུང་ན།
ཡུལ་གངས་ཅན་དུ་བཀྲ་ཤིས་པ་རྟག་ཏུ་འཕེལ་ཞིང་འཛམ་གླིང་ཀུན་ཏུ་ནད་མུག་འཁྲུག་རྩོད་ཀྱི་བསྐལ་པ་ངན་པ་རྣམས་རྒྱུན་ཆད་པར་འགྱུར་བ་སོགས་བྱིན་རླབས་ཤིན་ཏུ་ཆེ་བའི་གསུངས་པའི་བྲོ་གར་ཞིག་ཡིན།
འོན་ཀྱང་ཀུན་མཁྱེན་མི་ཕམ་རིན་པོ་ཆེའི་སྐུ་རིང་དུ་བྲོ་འདི་མང་ཚོགས་སུ་དར་ཁྱབ་བྱུང་མེད་པ་མ་ཟད།
དེ་བཞིན་དུ་ཕྱིས་སུ་ཉག་བླ་བསོད་རྒྱལ་སོགས་སྔོན་གྱི་དམ་པ་མང་པོ་ཞིག་གིས་ཐུགས་ཁུར་གནང་མྱངས་ན་ཡང་དངོས་སུ་འཁྲབས་ཐུབ་མེད། དེ་ནས་རྗེས་སུ་བདུད་འཇོམས་ཡང་སྲིད་དང་༧སྐྱབས་རྗེ་གྲུབ་དབང་པདྨ་ནོར་བུ་མཆོག་གིས་བྲོ་གར་འདི་གལ་ཆེན་དུ་གཟིགས་ནས་འཁྲབས་སྟངས་ཤིག་བཟོས་ཤིང་མང་ཚོགས་ནང་དར་ཁྱབ་ཅུང་ཟད་བྱུང་ཞིང་།
རྗེས་སུ་བོད་ཡུལ་དུ་ཆོས་རྗེ་དམ་འཇིགས་མེད་ཕུན་ཚོགས་ཀྱིས་ཐུགས་ཁུར་བླ་མེད་ཀྱིས་བླ་རུང་ལྔ་རིག་ནང་བསྟན་སློབ་གླིང་གིས་གླིང་བྲོ་འདིའི་སྟངས་སྟབས་འཁྲབས་སྟངས་སོགས་ཆེད་བསྒྲིགས་བྱས་ཏེ་རིམ་གྱིས་བོད་ཡུལ་སྟོད་སྨད་བར་གསུམ་དུ་དར་ཁྱབ་ཆེན་པོ་བྱུང་བའི་གླུ་གར་ངོ་མཚར་ཅན་ཞིག་གོ། (འདི་ཡན་ཧོར་བྷས་སྒྲིག)
༼གོང་གི་གླིང་བྲོའི་འཁྲབས་ཚན་བཞིའི་འགྲེལ།༽
(གཞན་ནས་བཤུས)
༡༽དང་པོ་བྱིན་འབེབས་ཀྱི་བྲོ་ནི།
གླིང་རྗེ་སེང་ཆེན་རྒྱལ་པོའི་གཙོ་བྱས་པའི་དགྲ་བླ་ཝེར་མ་རྣམས་དང་དྭངས་སྨན་མཁའ་འགྲོའི་ཚོགས་ཀྱི་ཐུགས་རྒྱུད་བསྐུལ་ནས་བྲོ་རའི་ནང་དུ་སྤྱན་འདྲེན་པ་དང༌།
བཞུགས་གསོལ་མཛད་ཅིང་བྱིན་རླབས་ཞུ་བའོ།།
༢༽གཉིས་པ་མཆོད་ཅིང་བསྟོད་པའི་གླུ་ནི།
སེང་ཆེན་ནོར་བུ་དགྲ་འདུལ་སོགས་དགྲ་བླ་ཝེར་མ་དང་དྭངས་སྨན་ཌཀིའི་ཚོགས་ལ།
ལུས་མཛེས་པའི་བྲོ་གར། ངག་སྙན་པའི་གླུ་དབྱངས།
ཡིད་དུང་བའི་མོས་གུས་སོགས་མཆོད་པར་ཕུལ་ཏེ་མགོན་སྐྱབས་དང་སྡོངས་གྲོགས་མཛད་པར་བསྐུལ་བའོ།།
༣༽གསུམ་པ་སྣ་ཚོགས་འཕྲིན་ལས་ཀྱི་བྲོ་ནི།
སེང་ཆེན་མི་ཡི་ཉི་མས་ཞི་རྒྱས་དབང་དྲག་གི་ལས་རྣམས་སྒྲུབ་པའི་ཚེ་དཀར་ཕྱོགས་དགྲ་བླ་ཝེར་མའི་འཁོརྭ་ཚོགོས་སྤྲིན་ལྟར་འདུས་ཤིང་ནག་ཕྱོགས་བདུད་སྲིན་གྱི་བསྟན་པ་ནུབ་པ་དང་དཀར་ཕྱོགས་དགའ་བའི་རྒྱལ་མཚན་དགུང་དུ་བ་སྒྲེངས་པ་ལ་དགའ་སྟོན་དུ།
སྐྱིད་པའི་བྲོ་གར་ཕུལ་བའི་ངང་ཚུལ་བརྗོད་པ་དང་ཀླུང་རྟ་སྡེ་བཞིའམ་སྟག་སེང་ཁྱུང་འབྲུག་གི་བྲོ་གར་བརྡུངས་པས་མི་འདོད་དགྲ་བདུད་ཆམ་ལ་ཕབས་ཤིང་ཕྱོགས་ལས་རྣམ་པར་རྒྱལ་བའི་རྟེན་འབྲེལ་ལྷུན་གྱིས་འགྲུབ་པར་སྨོན་པའོ།།
༤༽བཞི་པ་བཀྲ་ཤིས་དབྱངས་སྙན་ནི།
དོན་འགྲུབ་ཝེར་མ་དཀར་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བཀྲ་ཤིས་བརྗོད་དེ་མི་འབྲལ་ཚོམ་བུ་གཅིག་ཏུ་འཚོགས་པར་སྨོན་ལམ་འདེབས་པ་ལགས་སོ།
།
༼གླིང་བྲོ་བདེ་ཆེན་རོལ་མོའི་འཆམ་ལུགས་དང་སྟངས་སྟབས་སྐོར།༽(གཞན་ནས་བཤུས)
འདི་ལ་འཆམ་ལུགས་ཀྱི་སྟངས་སྟབས་མི་འདྲ་བ་མང་པོ་འདུག
བདུད་འཇོམས་ཡང་སྤྲུལ་གྱིས་མཛད་པའི་ལུགས་ཤིག་དང་།
གྲུབ་དབང་པད་མ་ནོར་བུ་ལ་སོགས་པས་མཛད་པའི་ལུགས་མང་པོ་ཡོད་ཀྱང་།
འདིར་གསེར་ཐང་བླ་རུང་ལྔ་རིག་ནང་བསྟན་སློབ་གླིང་གིས་ཆེད་བསྒྲིགས་བྱས་པའི་བྲོ་ཚིག་གི་དབྱངས་རྟ་འདི་ད་སྐབས་དགེ་འདུན་པ་མང་པོས་བྱིན་གྱིས་བརླབས་ཚར་བས་བྱིན་་རླབས་ཀྱི་་ཚན་ཁ་ཡོད་རྒྱུ་རེད།
རྗེས་མ་ཐམས་ཅད་ཀྱིས་འཁྲབ་གཞི་འདི་ཡིས་བྱས་ན་ལེགས།
ལུས་ཀྱི་སྟངས་སྟབས་ནི།
ཝེར་མ་ལུས་ལ་ཆགས་པའི་གར་སྟབས་ལག་གཡས་ཐབས་ཆེན་དཔའ་བོའིཕྱག་རྒྱ་སོགས་གཞུང་ནས་གསུང་པ་ལྟར་དགོས།
དེ་མིན་ངེས་པ་མེད་པས་་ཅི་བདེར་བྱས་ན་ཆོག གྲངས་ཀ་ནི། རབ་ན་དགའ་བ་བཅུ་དྲུག་མཚོན་ཕྱིར་དཔའ་མོ་བཅུ་དྲུག་དང་ཁྱོན་སུམ་ཅུ་སོ་གཉིས་དགོས།
འབྲིང་ན་དགའ་བ་བཞི་མཚོན་ཕྱིར་དཔའ་བོ་བཞི་དང༌།སྟོང་པ་བཞི་མཚོན་ཕྱིར་དཔའ་མོ་བཞི་དང་ཁྱོན་བརྒྱད་ཀྱིས་འཆམ་ན་ཆོག
ཐ་ནའང་ཚིག་ཙམ་དབྱངས་སྙན་མོས་བབཏོན་་ན་རྟེན་འབྲེལ་གྱི་དབང་གིས་ཕན་ཡོན་ཆེན་པོ་ཡོད་གསུང༌།།
རྒྱན་ཆས་ནི།
དཔའ་བོ་རྣམས་ཀྱི་རྒྱན་ཆས་དཀར་པོ་དང་སེར་པོ་སོགས་བྱས་ན་ཡག
དཔའ་མོ་རྣམས་ཀྱི་རྒྱན་ཆས་དམར་པོ་དང་སྐག་མདོག་བྱས་ན་ཡག
གླིང་བྲོ་བདེ་ཆེན་རོལ་མོ་འདི་ས་ཕྱོགས་གང་དུ་འཁྲབ་ན་ཡུལ་ཁམས་དེར་ནད་མུག་འཁྲུག་རྩོད་་སོཊ་མི་འདོད་ཉེར་འཚེ་ཐམས་ཅད་དང་སྙིགས་མའི་རྒུད་པ་དབྱིངས་སུ་ཞི་བ་དང༌།
འདི་སུ་ཞིག་གིས་འཁྲབ་པ་དང་མཐོང་བ་དང་ཐོས་པ་དེར་ཁ་དགེ་བ་་བཀྲ་ཤིས་པ་དང་ཆོས་དང་སྲིད་ཀྱི་བདེ་སྐྱིད་ལེགས་ཚོགས་ཐམས་ཅད་ཆར་བཞིན་བེབས་པར་གསུང་པ་རྡོ་རྗེའི་ཚིག་གོ
།
No comments:
Post a Comment