ཐག་རིང་ལ་འགྲོ།

༡༽
སྒེར་འཁོར་ཆུང་ཆུང་འདི་ཞོན་ནས།་།
སྣུམ་ལམ་རིང་མོ་འདི་བརྒྱུད་ནས།་།
ས་ཆ་ལེབ་མོ་འདི་བརྒལ་ནས།་།
ཐག་རིང་ཐག་རིང་ཞིག་ལ་བཞུད་འགྲོ།།
༢༽
ས་ནག་འདི་ཐག་རིང་རེད།་།
ས་ཆ་འདི་རྒྱུས་མེད་རེད།་།
ལམ་བུ་འདི་མཐའ་མེད་རེད།་།
ཐག་རིང་ཐག་རིང་ཞིག་ལ་བུད་འགྲོ།་།
༣༽
ནམ་མཁའ་ལ་སྤྲིན་པ་འཁྲིགས་བྱུང་།་།
ཆར་ཞོད་ཀྱིས་སྟོད་ནས་བརྡུང་བྱུང་།་།
ནུབ་ངོས་ནས་འཐོར་རླུང་གཡོས་བྱུང་།་།
ཐག་རིང་ཐག་རིང་ཞིག་ལ་ཐོན་འགྲོ།་།
༤༽
ཉི་མ་ནི་ཁྱིམ་དུ་ལོག་སོང་།།
མུན་ནག་གིས་ས་གཞི་གཡོགས་སོང་།།
སེམས་ཅན་ཚོ་འཇའ་ལྟར་ཡལ་སོང་།།
ཐག་རང་ཐག་རིང་ཞིག་ལ་སླེབས་འགྲོ།།

་་་ཧོར་བྷས་་་༡༤་༧་༢༩ཉིན