ཁེར་བཞུད་པའི་ཚོར་རླབས།༽

མུན་པ་ས་ལ་ལྷུང་བའི་མཚན་མོ་འདིར།།
གློག་གི་འོད་མདངས་ཐལ་རྡུལ་སྐྱ་མོས་གཡོག།།
རླངས་འཁོར་མང་དག་སྣུམ་ལམ་རིང་མོའི་འབར།།
སྲིད་འབུ་མེ་ཁྱེར་བཞིན་དུ་གྲལ་ལྟར་རྒྱུ།།

གསོན་པོའི་བདེ་དོན།༽

འཁོར་བའི་ཆོས་ལ་སྙིང་པོ་འཚོལ་བ།།
འགྲོ་བ་སྐྱེ་བོའི་གཤིས་སུ་གྲུབ་ཡོད།།
ཆོས་དང་འཇིག་རྟེན་ཟ་ཟི་ཞིག་གིས།།
རང་དབང་འདི་ལ་ཚད་ཐིག་མ་འཐེན།།

ཁོ་རེ་ཏོག་ཙམ་བསྒུག་ཨ།--༽

ཏོག་ཙམ་བསྒུག་དང་གྲོགས་པོ་སེམས་ལྡན་ཁོ་རེ།།
བསམ་བློ་བཞི་གསུམ་བཅུ་གཉིས་གཏོང་དགོས་རེད་དགོ།
གློ་བུར་ཐོལ་རྒྱག་ཚབ་ཚིབ་འདི་འདྲས་ཅི་ཕན།།
འུ་གཉིས་བར་ལ་དགོས་དོན་མི་གདའ་ཨེ་རེད།།
༼༽