་གསར་འགོད་པས་རྡོ་རྗེའི་སྐོར་ལ་བསམ་གཞིག ༥༽

བརྩམས་སྒྲུང་ཚན་པ་ལྔ་པ།༽
ཉིན་ཞིག་གི་དགོང་མོར་ཕ་དཔལ་རྒྱལ་ད་གཟོད་དྲན་སོས་པ་བཞིན། རང་དགོན་གྱི་བླ་མ་དབང་རྒྱལ་མདུན་ནས་མོ་ཞིག་འདེབས་དགོས་པའི་བསམ་བློ་བརྙེད་པ་རེད། 

ལྷ་ཐོ་ཐོ་རི་གཉན་བཙན།

སྤུ་རྒྱལ་ཉེར་བརྒྱད་པ་འདི་ལ་ལྷ་ཐོ་ཐོ་རི་སྙན་ཤལ་ཡང་ཟེར། རྒྱལ་པོ་འདི་ཡབ་རྒྱལ་པོ་ཁྲི་ཐོག་རྗེ་བཙན་དང་། ཡུམ་རུ་ཡོང་བཟའ་སྟོང་རྒྱལ་མོ་མཚོ་གཉིས་ཀྱི་སྲས་སུ་ཕྱི་ལོ་ ༣༧༤ པའི་ཤིང་ཁྱི་ལོར་སྐུ་བལྟམས། ལྕམ་རྣོ་བཟའ་མང་དགའ་ཁབ་ཏུ་བཞེས་ནས་ཡུན་རིང་མ་སོང་བར་སྲས་ཁྲི་གཉན་གཟུང་བཙན་འཁྲུངས་པར་གྲགས། རྒྱལ་པོ་འདིའི་སྐུ་རིང་ཕྱི་ལོ་༤༣༣ པའི་ཆུ་བྱ་ལོར་བལ་པོའི་ཡུལ་ནས་པནྚི་ཏ་བློ་སེམས་འཚོ་དང་། ལོ་ཙཱ་བ་ཐི་ལེ་སེ་གཉིས་ཀྱིས་སྤང་ཀོང་ཕྱག་རྒྱ་པ་དང་། གསེར་གྱི་མཆོད་རྟེན་ཁྲུ་གང་པ་གཅིག མདོ་སྡེ་ཟ་མ་ཏོག་དང་། སྙིང་པོ་ཡིག་གེ་འབྲུ་དྲུག་པ། ཙིནྡ་མ་ཎིའི་རྐོས་ཕོར། མུ་ ཏྲའི་ཕྱག་རྒྱ་ཞེས་པ་ནོར་བུའི་རིགས་ཀྱི་རྡོ་ལ་ཡིག་དྲུག་རང་བྱོན་ཅན་ཚད་ཁྲུ་ གང་ཙམ་གཅིག་བཅས་ཁྱེར་ནས་བོད་དུ་འོངས་ཏེ་ཕོ་བྲང་ཡུམ་བུ་བླ་སྒང་དུ་བཞུགས་པའི་ སྤུ་རྒྱལ་ལྷ་ཐོ་ཐོ་རིའི་ཕྱག་ཏུ་ཕུལ། རྒྱལ་པོ་ངོ་མཚར་སྐྱེས་ཏེ་ཕོ་བྲང་གི་དཀོར་མཛོད་དུ་བཞུགས་སུ་གསོལ། གསེར་སྐྱེམས་དང་གཡུ་སྔོན་གྱིས་མཆོད་པ་བྱས། མཚན་གཉན་པོའི་གསང་བ་ཞེས་གསོལ། གདུང་རབས་ལྔ་ན་དེའི་དོན་ཤེས་ཡོང་ཞེས་ལུང་བསྟན་ཐོབ། རྒྱལ་པོས་ཕྱག་དང་བཀུར་བསྟི་རྒྱ་ཆེར་བྱས་པས་བོད་དུ་སངས་རྒྱས་ཆོས་ལུགས་ཀྱི་དབུ་དེ་ནས་བརྙེས་པར་གྲགས། ཕྱི་ལོ་ ༤༩༣ པའི་ཆུ་བྱ་ལོར་སྐུ་གཤེགས། དེ་ལྟར་བཙན་ལྔ་པོའི་མཆད་པའམ་བང་སོ་འཕྱིང་ལུང་དར་བ་ཐང་དུ་བཏབ་སྟེ་སྦྲ་འདྲ་བའི་ས་ཕུང་བྱས་ཡོད་དོ། །  (འཁྲུངས་ལོ་༣༧༣ དང་འཚོ་ལོ་དགུང་གྲངས་ ༧༩ བར་དང་འདས་ལོ་ལྕགས་ཡོས་ཕྱི་ལོ་་ ༤༥༢ ཙམ་ལ་འདས་སོ་ཞེས་བཞེད་མཁན་པ་མང་ངོ་།། )

༼ཡིག་ཆའི་ཁུངས།༽

༡༽ཉང་རལ་ཆོས་འབྱུང་དེབ་ཨང་ ༢༩༡།

༢༽བོད་བཙན་པོའི་རྒྱལ་རབས་་་དེབ་ཨང་ ༡༣༩ །

༣༽བོད་ཀྱི་ལོ་རྒྱུས་པདྨ་རཱ་གའི་ལྡེའུ་མིག་དེབ་ཨང་ ༡༦༡ །

༤༽བདུད་འཇོམས་ཆོས་འབྱུང་དེབ་ཨང་ ༡༢༢ །༽ 
(ཧོར་བྷ། དཀོན་མཆོག་དར་རྒྱས་ནས་ཕྱི་ལོ་༢༠༡༣ ཟླ་ ༦ ཚེས་ ༢ ཉིན་བྲིས།)

གསར་འགོད་པས་རྡོ་རྗེའི་སྐོར་ལ་བསམ་གཞིག ༤་༽

འདོན་ཐེངས་གསུམ་པའི་འཕྲོས།༽
རེད་ཡ། རྡོ་རྗེ་ལགས། ཁྱེད་ནི་སུ་ཞིག་གི་ཆེད་ཡུལ་གྱི་བྱམས་སེམས་ཆེ་བའི་ཕ་མ་དང་། ཁྱེད་ལ་དུས་རྒྱུན་བཞད་གད་སློང་བའི་རཙེད་དགའ་ཅན་གྱི་སྲིང་ཆུང་བདེ་མཚོ། རང་ཉིད་ཆེས་ཐོག་མའི་འཚར་ལོངས་བྱུང་སའི་ཕ་ཡུལ་སོགས་བསྐྱུར་ཏེ་ཅིའི་ཕྱིར་གསང་སྟབས་ཀྱིས་བྲོས་པ་ཡིན།

ཀ་ཁའི་གླུ་ཆུང་།༽

 ༡༽

ཀ་ཁ་ག་ངའི་བདག་པོ་མིང་སྲིང་ཚོ།།

 ཅ་ཅོས་འུར་ཟིང་ཁོ་ནའི་ཁེ་དཔོག་དོན།།

 ཆ་ལུགས་གཞན་དང་བརྗེས་ནས་མི་འདུག་པར།།

ཇ་ཡུན་ཙམ་མིན་རྒྱུན་དུ་རིག་གཞུང་སྐྱོངས།།

༢༽

 ཉ་སོགས་དུད་འགྲོ་གསོད་པའི་ཤན་པ་ཚོ།།

 ཏ་ཐ་ག་ཏའི་བསྟན་ལ་མ་དད་རུང་།།

 ད་ལྟའི་མི་ཆོས་སློབ་གསོ་མི་འདོར་བར།།

 ན་རྒས་ཀུན་ལ་ཡོད་པས་བག་ཡོད་བྱོས།།

གསར་འགོད་པས་རྡོ་རྗེའི་སྐོར་ལ་བསམ་གཞིག ་༣༽

དབྱར་གྱི་དུས་སྟོན་གསར་པ་ཞིག་འཇིག་རྟེན་འདིར་དལ་གྱིས་ཤར་ཅིང་། ཡུལ་གྲུ་གང་སར་སྔོ་ལྗང་མཛེས་པའི་དྲི་བསུང་འཐུབ་ཅིང་། དྲོད་མདངས་ཉི་མའི་ཚ་ཟེར་གྱིས་ཞིང་པ་རྒན་པོ་རྣམས་ཤིང་སྡོང་དག་གི་གྲིབ་གསིལ་ལ་རེ་བའི་དུས་ཤིག་རེད།

གསར་འགོད་པས་རྡོ་རྗེའི་སྐོར་ལ་བསམ་གཞིག ༢༽

འདོན་ཐེངས་དང་པོའི་འཕྲོས།༽
 

རྡོ་རྗེ་སྔར་ནས་མོ་ལ་ཤིན་ཏུ་དགའ་མྱོང་མོད། སྔོན་ཆད་སློབ་ཆུང་གི་སྐབས་སློབ་གྲྭའི་ར་སྐོར་ནང་མཉམ་དུ་ཅུང་ཟད་འགྲོག་རྒྱུའི་གོ་སྐབས་བྱུང་ཡང་། ལོ་ཤས་རྗེས་སུ་མོའི་ནང་ལ་གནོད་རྐྱེན་ཕྲན་བུ་འཕྲད་པས། ཉིན་ཞིག་མོའི་སློབ་གྲྭ་ནས་དགོངས་པ་ཞུས་ཏེ། ལོ་ཤས་རིང་མོ་སློབ་གྲྭར་འགྲོ་བར་ཕྱིར་འགྱངས་བྱུང་བ་རེད།
 

གསར་འགོད་པས་རྡོ་རྗེའི་སྐོར་ལ་བསམ་གཞིག།

ཁོ་མོའི་མིང་ལ་ཆོས་སྒྲོན་ཟེར་ཞིང་བོད་ཀྱི་གསར་འགོད་པ་ཞིག་ཡིན། ང་རང་གི་སྐོར་ཀློག་པ་པོ་རྣམས་ལ་ངོ་སྤྲོད་བྱ་དགོས་དོན་མི་འདུག གལ་སྲིད་ཁྱེད་ཀྱིས་ཁོ་མོའི་སྐོར་ཤེས་འདོད་ཡོད་ཚེ་འདིར་བྲིས་པའི་རྡོ་རྗེ་དང་འབྲེལ་བའི་གནས་ཚུལ་ལ་གཟིགས་རྗེས་དེ་དང་ལྷན་དུ་ངའི་ཕ་ཡུལ་དང་། རང་གི་བསམ་གཞིག་དང་ལས་འགན་སོགས་རགས་ཙམ་རྟོགས་ངེས་ཡིན་ནོ།།

སྐྱོ་གཏམ་གློ་བུར་བ།

ཉོན་མོངས་དུག་ཆུས་རླན་པའི་སེམས་ཀྱི་ཕྱི་ནང་།།
མ་དག་འཁོར་བའི་གྲོང་དུ་དབང་མེད་འཁྱམ་ཡང་།།
དག་པ་ཆོས་ཟད་ཀློང་གི་དགོངས་པ་བརྙེས་པའི།།
མཚུངས་མེད་གྲུབ་དབང་བླ་མ་དད་པས་འབོད་དོ།།